Jechi Caffee jedhu lafa margaa jiidhiinsa qabu,kan dheeda sa’aa Fardaa, iddoo jaalatamaa waaqaa namaa ,kan bonaa ganna hin gogne tu’uu akeeku, Gadaa Tuulamaatti miseensi Gadaa Birmajiifi Abbaan Caffee duraanii akkasumas Barreessaan duraanii Gumii Tokkummaa Abbootii Gadaa Oromoo Caalaa Soorii.
Gadaanis lafa ulfaa, jiidha qabu miilaan ejjatee seera bulmaataa tumataa jedhan.
Sirna Gadaa keessatti Caffeen Gumii, Yaa’ii yookiin walga’ii Olaanaa Miseensota Gadaatis
Tumaa Caffeen heerri 6’n kan waaqaa lafaa, Abbaa haadhaa, Tulluu malkaa ulfoon, kan hin jijjiiramne jiraatus Caffeetti seeronni waggaa saddeef turu ni tumama.
Caffeen Mootummaa Naannoo Oromiyaas moggaasa Caffee Gadaa irraa fudhachuu kan dubbataniifi bakka buutonni ummataa seeronniifi wixineen keessatti bocaman akkasumas bulchaan sabaa itti filamu ta’uus dubbatan.
Caffeen Qaama bulchiinsa Gadaa isa olaanaadha.
Seera baasuu,Seera labsuufi raawwachiisuudha hojiin isaanii ijoon.
Dhimmoota hawaasa diinagdeefi siyaasaa sadarkaa gadiitti furmaata hin arganne sakatta’uun murtee itti kennuudha.
seera tumuu,seera hiikuufi seera raawwachiisuu jechuudha. Abbootiin Gadaa Gosoota Caffee jalatti hojiin isaanii inni ijoon jiruu ummataa to’achuu,seera barsiisuufi raawwachiisuudha.
Mootummaan Naannoo Oromiyaa seera Mootummaa Naannichaa yeroo ce’umsaa Labsi lakk. 2 /1985n baafatee hojii kan eegale yoo ta’u,caaseffamni qaamolee mootummaa sadeen,seera baaftuu,seera hiiktuufi seera raawwachiiftuun sadarkaa Naannoo irraa eegalee hanga gandaatti beekkamtii argachuun yeroo jalqabaaf hundaa’e.
Mootummaan Naannoo Oromiyaas yeroo kanarraa eegalee moggaasa Caffee Mootummaa naannichaa gochuun moggaase.
Sirni Dimokiraasii Ammayyaa Sirna guddaaa, Gadaa irraa fudhatamuu kan agarsiisu.
Akkuma Caffeen Gadaa seera ittiin bulmaata ambaa tumuuun hojirra oolchu,Caffeen mootummaas labsiileefi seerota baasee caffeen raggaasa.
Caffeen Mootummaa Naanoo Oromiyaa turtii waggaa shanii kan qabu yoo ta’u yeroo jalqabaaf turtii isaa waggoota shanii 1987 _1992 keessaaatti seerota 36 tumeera.
Caffeen Mootummaa Naannoo Oromiyaa turtii isaa waggoota shaniin qabaatu keessatti, bakka bu’oota ummataa filamaniin seerota,danbiiwwaniifi labsiiwwan gara garaa tumuun ni raggaasa.
Qaama raawwachiiftuu ni filata, muudama garaa garaas ni raggaasa.
Caffeen Mootummaa Naannoo Oromiyaa ofiisaatii duudhaa Oromoo hordofaa kan dhufe yoo ta’u danbiiwwaniifi seerota duudhaa ganamaa cimsanis raggaasuun hojiirra oolchaara
Hojiiwwan ijoo Caffee keessaa tokko karooraafi raawwii hojii qaamolee Mootummaa to’achuufi Hordofuudha.Addunyaa Tusaan
