‘OBN Cyber Media’ Amajjii 07, 2017-Pirezidaantii Ittaanaan Mootummaa Naannoo Oromiyaa, Obbo Awwaluu Abdii haala kenna tajaajilaa dijitaalessuun danda’amurratti dhimmamtoota Dhaabbata tekinooloojii biyya Yuunaayitid Arab Emmireetis Riich Dijitaal waliin mari’atan.
Dhaabbatichi muuxannoo baroota dheeraaf biyyoota 38 keessatti haala kenniinsa tajaajilaarratti horate fayyadamuun, qindoomina Abbaa Taayitaa Saayinsiif Tekinooloojii Oromiyaafi dhaabbata misoomaa MNO “O-Tech” waliin tajaajilaa dijitaalawaa diriirsuun haala danda’amurratti hojjachuuf ta’uutu ibsame.
Pirezidaantii Ittaanaan Mootummaa Naannoo Oromiyaa, Obbo Awwaluu Abdii, hojiiwwan kenna tajaajilaa foyyeessuuf baldhinaan hojjatamaa jiran caalmaatti milkeessuuf, hojimaanni dijitaaleessuu isa ijoodha jedhan. Waajjira Pirezidaantiirraa odeeffanne.
#presidentoffice #OBN #Oromia #Finfinnee_Oromia_Ethiopia #uae
