Odeeffannoon Raashiyaan Itiyoophiyaaf deeggarsa taasiste jedhu sobaa ta’uu OBN Cyber Media Haqabaas mirkaneeffate.
Dhaabbanni Ahaduu Miidiyaa jedhamuu odeeffannoo mootummaan Raashiyaa Itiyoophiyaaf deeggarsa qamadii kenne jedhu sobaa ta’uu ‘OBN Cyber Media’ Haqabaas
Gabaasni dhaabbanni kun qabatee bahee Raashiyaan Itiyoophiyaaf qamadii Meetriik toonii kuma 1fi 632 deeggarsa taasiste jedha.
garuu dhugaan jirtu deeggarsi kennamee lammiilee sudaan kibbaa Kaampii qubattootaa [Godaantotaa] Gambeellaa keessaa qubatanii jiraniif ta’uu OBN Cyber media mirkaneeffateera.
Ta’uus Raashiyaan godaantota Sudaan Kibbaa Gaambeellaatti argamaniif kan oolu, biyyoota garagaraarraa kan walitti qabamee deeggarsa Sagantaan Nyaataa Addunyaaf taasisuus , ‘Itiyoophiiyaaf deeggarsi taasifame’ jedhamuun odeeffannoon dogoggoraa tamsa’aa jira.
Mootummaan Raashiyaa akka beeksisetti, Sagantaa Nyaataa Addunyaaf deeggarsa taasise Qamadii meetriik Toonii kuma 1 fi 632 Itiyoophiyaa ga’eera kan jedhuudha.
Dhugaan jiru kana ta’ee utuu jiru Miidiyaa RT jedhamuu dabalatee miidiyaaleen tokko tokkoo fi miidiyaaleen hawaasaan Raashiyaan Itiyoophiyaa dabalatee godantoota sudaan kibbaaf qamadii toonii kuma 1fi 600 kennite jechuun odeeffannoon tamsa’aa jiru dhara ta’uu OBN Cyber media Haqabaas mirkaneeffateera.
Deeggarsi Raashiyaan godaantoota sudaan Kibbaaf taasiste kun wayita Adamaa qaqqabu, Itiyoophiyaatti Ambaasaaddarri Raashiyaa Ivgeenii Tarkihiin argamuun Itiyoophiyaatti Daayrektara Sagantaa Nyaataa Addunyaa waliin walharkaa fuudhiinsa taasisaniiru.
Sagantaan nyaataa Addunyaa, godantota Sudaan Kibbaa Gaambeellaatti argaman sababa hanqina maallaqaan deeggarsa namoomaa harka 60 argachaa akka turan ibsameera.
