Godina Jimmaa Aanaa Sokorruutti balaa konkolaataa mudateen miidhaan qaqqabuun himame
OBN Hagayya 14/2016- Godina Jimmaa Aanaa Sokorruutti balaa konkolaataa deddeebisa ummataa mudateen miidhaan qaamaa namoota 12 irratti qaqqabuun himameera.
Konkolaataan ummataa kun namoota 65 fe’ee Finfinneerraa gara Jimmaatti imalaa ture.
Balaa mudateen namoota 6 irratti miidhaan qaamaa cimaafi namoota 6 irrattimmoo miidhaan qaamaa salphaan qaqqabuusaa Waajjirri Poolisii Aanaa Sokorruu ibseera.
Ka’umsi balaa kanaa qoratamaa jiraachuunis himameera. Abdii Rabbumaatu gabaase.
