Baankonni Biyya Alaa maal fidanii Itiyoophiyaa dhufu?
Dhimma kana ilaalchisuun Hayyoonni maal jedhu?
Itiyoophiyaan balbala diinagdee ishee dhaabbilee alaatiif banaa goote keessaa tokko baankonni biyyoota alaa garana dhufanii damee baankii akka banatan gochuudha.
Baankonni biyya alaa Itiyoophiyaa keessa yoo dhufan biyyattiif maal buusu jennee Hayyoota diinagdee gaafanne.
Yaadni ogeeyyiin Diinagdee Dr. Tasfaayee Eebbaa fi gorsaa dhaabbilee biizinasii obbo Asfaawuu Mul’ataa dhimmicharratti kennan kunooti
Baankonni biyya alaa harka duwwaa akka hin dhufne eeruu
Wantoonni isaan qabatanii dhufanis jedhu.
1.Sharafa Alaa
sochiin diinagdee biyya kanaa kan inni ittiin danqamaa ture keessaa tokko rakkoo hanqina sharafa alaati,rakkoon kun riifoormii diinagdeen furamaa jira ta’us ammallee fedhiin jiru guddaadha. baankonni biyya alaas sharafa alaa fidanii Itiyoophiyaa dhufu jedhu.
2.Teekinoloojii
‘Addunyaa dorgommii diinagdee dijiitaalaa keessa waan jirtuuf tekinoloojii dhiyeessii tajaajila dhiyeessii, kan uummanni haala salphaan itti tajaajilamu fidanii dhufu jedhamee eegama’.
3. Investimentii kallattii alaa
Baankonni biyya alaa dureeyyii yookaan maamila isaanii fidanii dhufuu waan malaniif sochii Itiyoophiyaan Investimentii kallattii alaa hawwachuuf hojjetaa jirtullee ni tumsa.
4. Dandeettii Hooggansa Baankii Fidaanii Dhufu
Dandeettii tekinoloojii,hojimaataafi tajaajila baankii ittiin hoogganan muuxannoo fidanii dhufu.barnootaaf beekumsa qaban fudhatanii dhufu.
Kunneen baankota biyya kana keessafillee carraadha muuxannoos irra qooddatu.
5.Carraa hojii bal’aa lammileef uumu.
Baankota Biyya Keessaafillee Carraadha Jedhu Hayyoonni Kunneen
- Dorgommiif jecha teekinoloojii jajjabaa akka hidhatan godha.
- Tajaajila faayinaasii hedduu irratti akka hirmaatan.
- Dhiyeessii faayinaasii isaanii baadiyyaatti babal’isuu danda’u.
- Baankota gidduutti dorgommii cimaa uumuu jedhan hayyoonni kunneen
Jireenyaa Yaadataatiin
