“OBN Istuudiyoo kiraa daqiiqaa 30 irraa ka’ee har’a abbaa Chaanaalii 5 ta’eera” -Gaazexeessaa Fissahaa Balaayineeh

‘OBN Cyber Media’ Mudde 26, 2017-OBN Chaanaalii 5ffaa ‘OBN Cyber Media’ bakka hoggantoonni olaanoo Mootummaa Naannoo Oromiyaa, Federaalaa, hoggansiifi Gaazexessitoonni OBNfi keessummoonni argamanitti Magaalaa Bishooftuutti eebbifame.

Sirna eebbaa kanarrattis Daayirektarri Olaanaa OBN Gaazexeessaa Fissahaa Balaayineeh ergaa dabarasaniin, OBN Istuudiyoo kiraa daqiiqaa 30 irraa ka’e har’a abbaa Chaanaalii 5 ta’eera jedhaniiru.

Waggoota darban OBN gaafa qabsoofi xiiqiis uummata Oromoofi Itiyoophiyaa biraa hin hafne; ammas waliin hojjechaa jira.

OBN har’as gumaacha isaa caalaatti cimsuuf tooftaa miidiyaa biraa mil’achuun dirqama akka ta’e murteesseera.

OBN, fuula miidiyaa hawaasaa ‘Facebook’ fi

‘Youtube’banee tajaajila kennuu kan eegale bubbulus, fedhii daawwattoota keenya hin guunne; kana hubachuunis OBN Chaanaalii 5ffaa ‘OBN Cyber Media’ jedhu qabatee as baheera jedhan, Daayirektarri Olaanaa OBN Gaazexeessaa Fissahaa Balaayineeh.

Chaanaalii kanaanis sagantaalee haaraa 9 dabalatee, yeroo itti aanuutti qabiyyee haaraa biroo dabalachuun, OBN daran cimsaa maqaafi kabaja biyya keenya kan itti olkaasnus jedhan. Ayinaalem Tarrafaatu gabaase.