‘OBN Cyber Media’ Amajji 28,2018
Buufanni xiyyaaraa Shaakkisoo Diidoolaa ijaaramuu jalqabuun gaaffiin keenya yeroo dheeraa deebi’uutti gammanneerra jedhan, jiraattonni Godina Gujii.
Abbaan Gadaa Gujii Jaarsoo Dhugoo, Gujiin qabeenya ofiif ta’uurra darbee biyyaafuu ooluu osoo qabuu sirnoota darban keessa xiyyeeffannoo hin argatiin turus amma deebii argachuu jalqabeera jedhan.
Buufanni xiyyaaraa kun ijaaramuun diinagdee keenya si’eessaa kan jedhanimmoo Abbaa Gadaa Gujii Hokkuu Gannaalee Aagaati.
Jiraattonnis gaaffiin isaanii yeroo dheeraa deebi’uutti gammaduu himuun, caalaatti onnatanii misoomarratti akka hirmaatan kan isaan si’eessu ta’uus dubbatan.
Buufanni xiyyaaraa ijaaramuun diinagdeesaaniis kan utubu akka ta’e ibsuun, misoomawwan bu’uuraa biroo mootummaan isaaniif hojjetus kan tumsan ta’uu himan.
Habtaamuu Mokonnintu gabaase
